ලංකාවේ මිනිස්සුන්ගේ ඓතිහාසික ගොන් කං ගැන අපි අහල තිබුණ විතරයි. ජීවිත කාලය පුරාවටම පොඩි පොඩි අමන වැඩ දැකල තිබුණට 83 කළුජූලිය හරි, ඊටත් ඉස්සෙල්ලා 78 ජේ ආර්ට උමතු ලෙස සහයෝගය දැක්වීම වගේ දේවල් පිළිබඳව ඇස්පනාපිට අවබෝධයක් ලබාගන්න හැකියාවක් තිබුණේ නැහැ. ලංකාවේ මිනිස්සුන්ගේ තියෙන හිස්බව, මෝඩකම, තුන්වැනි ලෝකයේ රටක් විදිහට තවදුරටත් පැවතිය යුත්තේ ඇයි කියන දේවල් වලට හොඳ පිළිතුරු රැසක් මේ කාලසීමාව තුලදි අපට අත්දකින්න ලැබෙනවා.
මර්වින්ව සියළු චෝදනාවලින් නිදහස් කිරීම, ෆොන්සේකාගේ ජනරාල් තනතුර පහළ දැමීම වගේ දේවල් අපිට දුරස් දේවල් වගේ දැනුනත් අපි කාටවත් ඉන් සිදුවන බලපෑ‍ම මඟහරින්නට නොහැකි ව්‍යවස්ථා සංශෝධනයක් දැන් සිද්ධ වෙලා. එක් පුද්ගලයෙක් වටේ අසීමිත බලයක් ගොඩනැඟීම සඳහා ලංකාවේ අමන ජනයා පොරකන විට ප්‍රජාතන්ත්‍රවාදය කියන මේ නාමික දේශපාලන දෘෂ්ඨියෙන් ඉල්ලා අස්වීමේ හැකියාවක් තියෙනවනම් කොච්චර හොඳද කියලා හිතෙනවා.
ලංකාවේ උදේ හවා බණ කියන චීවරධාරීන්ට අනුව "වෙනස්වීම" කියන නියමය ගණන් ගන්නේ නැතුව පිස්සන් රැලක් වගේ හූ කිය කියා සියළු බලයන්ගෙන් අගතැම්පත් රජෙක් තනන්ට යන අමන බහුතරය සැබැවින්ම මේ දේවල් ගැන හැඟීමක් තියෙනවද කියන එක සැකයක්. ව්‍යවස්ථාව ගැන ඇති අවබෝධයට වඩා මේ සංශෝධනයට සහාය දක්වනන් තුළ ඇත්තේ ස්වපුද්ගල අභිමථාර්ථයන් ඉටු කරගැනීමේ අදහසක්. තමන්ගේ තනතුරු, සැපපහසුකම් ගැන හිතන ආණ්ඩුවේ මන්ත්‍රීවරු, නොකැපී බේරෙන්න හදන වාසුදේව ඇතුලේ දක්ෂිනාංෂික නාමික වම්මු, ලැබෙන අල්ලස්වලින් හත්මුතු පරම්පරාවක් ගොඩදාගන්න දඟලන යූඇන්පී මන්ත්‍රීවරු මෙන්ම ප්‍රදේශයේ දේශපාලඥයාට ගොට්ට අල්ලා තමන්‍ව ගොඩදාගන්න දඟලන පිරිස් මේ බහුතරය අතර බහුලයි.
කොටුවෙන් පිටතට ඇවිත් බලන ඕනම කෙනෙක්ට ඉතා පහසුවෙන් අවබෝධ කරගත හැකි කරුණු කිහිපයක් තියෙනවා.
1. ලංකාවේ සමාජ දේශපාලන අවකාශයට අත්‍යවශ්‍යයෙන්ම සිදුවිය යුතු කරුණු කාරණා කිසිවක් මේ සංශෝධයෙන් ඉළක්ක වන්නේ නැහැ.
2. මේ සංශෝධනය හුදෙක්ම රාජපක්ෂ ජනාධිපතිගේ පුද්ගලික අවශ්‍යතාවන් මතම පදනම් වූවක්. එය ශ්‍රී ලංකා නිදහස් පක්ෂයට වත් සාධනීය බලපෑමක් කරයි කියලා දිගුකාලිනව බලාපොරොත්තු වෙන්න බැහැ.
3. ආණ්ඩුව විසින් මෙහෙයවෙන් ජනප්‍රියවාදී මාධ්‍ය මෙහෙයුම ඇතුළේ සාමාන්‍ය ජනයාගේ සිතීම නිෂ්ක්‍රීය කිරීමට උත්සාහ කරනවා.
අසීමිත බලයක් ඒක රාශී වීම වෙනුවෙන් පෙනී ඉන්නට සිදුව ඇති පිරිස් වෙත දකින්නට ඇති පොදු ලක්ෂනය වන්නේ, ඔවුන් විසින් රෙජීමයේ අයුතු ඉපැයීම් වලින් කටුවක් හෝ ලෙව කෑමට ඇති ආසාවත්, අශුද්ධ බල කේන්ද්‍රීකරණය තුලින් තමන්ටත් ආරක්ෂාවක් ලැබෙන පරිදි එල්ලී සිටීමට හැකියාවක් ලබාගැනීමත්ය. ඒ හරහා ක්‍රියාත්මක රාජ්‍ය මාධ්‍ය පමණක් නොව පුද්ගලික මාධ්‍ය බහුතරයක් පවා රාජපක්ෂ රෙජීමයේ ජනප්‍රියවාදී ප්‍රචාරණයට රුකුල් දෙමින් ලංකාවේ හිස් මිනිසුන්ට පෙර නොවිඳි උත්තේජනයක් ලබා දෙමින් පබාගේ සිට වහින්න මුතුවැස්සක් දක්වා වූ රමණයේ සුරාන්තය අත්කර දෙති. ඒ ලබන ආතල් එක තවත් කාලයක් මෙකී ගොන්රැළ නිහඬව තබා ගැනීමට ප්‍රමාණවත්ය.
මෙකී ව්‍යවස්ථා සංශෝධනයේ ඇති නිශේධනීය භාවය ගැන තාක්ෂණික ලෙස ප්‍රශ්ණ කරමින් තර්ක විතර්ක කළාට ලාංකිකයින්ට වැඩක් වන්නේ නැත. රාජපක්ෂ විසින් ලබාදුන් ආතල් එකෙන් ගැහැණු පිරිමි සියළු දෙනා එකී පවුල වෙත අන්ධ ලෙස ආකර්ෂණය වී ඇත. දැන් අපට සිදුව ඇත්තේ කුම්භලාකරවල කෑ බළලාට මෙන් ලාංකිකයින් විසින තමන් විසින් භක්ෂණය කළ දෑ මළපහ කරන තුරු බලාසිටීමටය.
උඹ කිව්වා හරියටම හරි මචං
ReplyDeleteවැඩක් නැහැ මචං. ෙම් ෙවලාෙව් ඹ්කට විරැද්දයි කියල ෙමතන ෙකාෙමන්ට් වැහි වහීවි. ඒ්ත් හිතන්න ඡන්ෙද ෙවලාවක ඔය කියන බහුතරයක්ම චනිෙද ෙදන්ෙන කාටද?
ReplyDeleteඅපි හරි කුහක ජාතියක්. ඊටත් වඩා අමන ෙමෙඩෙයා. සරලම ෙද් සීගිරි ෙනාගිය බූ--ක් සංස්කෘතිය ගැන කථා කරනව. අවුරැදු 2500 ගැන පම්ෙපා්රි ගහනව. ඒුත් වරෟථමානෙය හිස් වැඩ කරනව.
කළකිෙරනව......................
"ලංකාවේ සමාජ දේශපාලන අවකාශයට අත්‍යවශ්‍යයෙන්ම සිදුවිය යුතු කරුණු කාරණා"
ReplyDeleteබලය බෙදීම වගේ ඒවද? එහෙම නැත්නම් 17 වගේ ඒවද? 17න් කියපු කමිටු වල ඉන්න විශ්‍රාම ගිය නිලධාරීන් මිළට ගන්න එක මන්ත්‍රී කෙනෙක් මිළට ගන්න එකට වඩා ලේසියි. ඒ නිසා 17 ඉවත් කිරීම හොඳයි.
"මේ සංශෝධනය හුදෙක්ම රාජපක්ෂ ජනාධිපතිගේ පුද්ගලික අවශ්‍යතාවන් මතම පදනම් වූවක්" - රාජපක්ෂ තුන් වෙනි පාර ඉල්ලයිද කියන එක අපි තවම දන්නේ නෑ. බොහෝවිට බැසිල් ඊලඟ අපේක්ෂකයා වෙයි.
"ආණ්ඩුව විසින් මෙහෙයවෙන් ජනප්‍රියවාදී මාධ්‍ය මෙහෙයුම ඇතුළේ සාමාන්‍ය ජනයාගේ සිතීම නිෂ්ක්‍රීය කිරීමට උත්සාහ කරනවා." - යුධ කාලයේ මහාරාජාගේ හා යා ටී.වී වලින් මෙයට සමාන දෙයක් කෙරුණත් එය ගැන ගෝරා නිශ්ශබ්දව සිටීමෙන් පෙනෙන්නේ ගෝරා හඬ අවදි කරන්නේ ඔහුගේ දේශපාලන මත්මතාන්තර වෙනුවෙන් පමණක් බවයි.