Tuesday, September 1, 2009

ජනිපේ සමාජයවාදය සහ ‍ප්‍රායෝගික ගෝත්‍රිකවාදය


මේ දවස් වල පෝසටර් ව්‍යාපාර 2ක් සමාන්තරව ක්‍රියාත්මක කරන්න ජාතික නිදහස් පෙරමුන ක්‍රියාකරලා. එක්ක හියුගෝ චාවේස් ගේ පරිවර්තනය කරන ලද පොත එළිදැක්වීම, අනික එල්ටීටීයට විරුද්ධ වුනු බෞද්ධ හිමිවරු අනුස්මරණය. ඒක කරන්නේ මානෙල් මල් ව්‍යාපාරය මගින්.


චාවේස් ගැන එචිචරම අදහසක් නැති වුනත් ඒ පෝස්ටර් එකේ පසුබිමේ තිබුනේ චේගුවේරාගේ පිංතූරයක්. මං හිතන්නේ චාවේස්ගේ වැඩ කෙසේ වෙතත් ඔහු පුද්ගලයෙක් හැටියට චේගුවේරාගේ දර්ශනය විශ්වාසකරන අයෙක්.


අපි දන්න චේ කියන්නේ ආර්ජන්ටිනාවේ ඉපදිලා ලතින් ඇමරිකාවේ මිනිස්සුන්ගේ දුක වෙනුවෙන් තමන්ගේ ජීවිතය පරදුවට තියලා සටන් කරලා කියුබානු විප්ලවයේදි සැළකිය යුතු කාර්යභාරයක් ඉටුකරලා, තමන්ට සැපසේ හිදිය හැකිව තිබියදීත් සමස්ත ලෝකයේ පීඩිත ජනයාගේ විමුක්තිය වෙනුවෙන් බොලීවියානු විප්ලවය කරන්නට ගොස් ඝාතනයට ලක්වූ වීරෝධාර චරිතයක්. ඒත් ජනිපෙ විසින් තමන්ගේ අලෙවිකරණය සදහා යොදාගන්නා චේ සහ ඔවුන්ගේ ක්‍රියාකලාපය අතර පරස්පරය අපි එදිනෙදා බොහෝම නිර්ලැජ්ජිත විදිහට අත්දකිනවා විතරක් නොවෙයි, ඔවුන් විසින් දියත් කළ පෝසටර් ව්‍යාපාරය තුළදි වත් එය සගවා ගන්නට නොහැකි වී තිබෙනවා.


චේ ව මාර්කට් කරලා ගහපු අනිත් පොස්ටරේ ඉන්නේ හාමුදුරුවරු කීපදෙනෙක්. ඔවුන් අතර ඉහගත රතනපාල හිමි සහ දිඹුලාගල හාමුදුරුවන්ද සිටිනවා. සැබැවින්ම ජනිපේ සහ මානෙල් ව්‍යාපාරය ඔවුන්ට උපහාර දක්වන්නයි සැරසෙන්නේ. අනෙක් හාමුදුරුවරු ගැන අසානැතිමුත් දිඹුලාගල හිමියන්ගේ කෙරුවාවන් නම් ඒ පැත්තේ මිනිස්සු ගැන මදක් හෝ සංවේදී මිනිස්සු නම් අහලා ඇති. විශේෂයෙන් සිංහල ජාතිවාදී පුවත්පත් තුලින් මෙය වසාදමා වෙනමම චිත්‍රයක් දකුනෙහි ඇතිකලද දිඹුලාගල හිමි යනු සිංහල දෙමළ වෛරය ගොඩනැංවීම සදහා සිංහල ව්‍යාප්තවාදයක් දෙමළ ප්‍රදේශයන් තුල රාජ්‍ය අනුග්‍රහයෙන් යුතුව කරගෙන ගිය අයෙකි. දිඹුලාගල ප්‍රදේශයෙන් දෙමළ පිරිස් පන්නා දැමීම දිඹුලාගල හාමුදුරුවන්ගේ ක්‍රියාපිළිවෙලකි.


මේ අනුව ජනිපෙ විසින් සිය පෝස්ටර් හැඩගැන්වීමට යොදාගනු ලබන්නේ ඔවුන්ගේ දේශනා සහ ප්‍රායෝගිකත්වය අතර ඇති පරස්පරතාව මෙන්ම නොගැලපෙන පුද්ගල චරිත දෙකකි.
චේගුවේරා යනු එක් රටක ඉපිද සමස්ත ලෝක ජනවර්ගයේ යහපත උදෙසා දිවිහිමියෙන් ජීවිතය පුදකළ පුද්ගලයෙක් ‍වන විට දිඹුලාගල හිමි යනු සිය ගෝත්‍රයට ඉඩකඩම්, වස්තුව ලබාගැනීම සදහා අනෙක් ජාතියක් විනාශ කිරීමට උත්සාහ කළ ‍අයෙකි.
සැබැවින්ම චේ තුලින් දකින සමාජවාදය ජනිපෙ විසින් ලංකාවට අනුරූප කරගන්නේ දිඹුලාගල හිමි, ගුණදාස අමරසේකර වැන්නන්ගේ පටු ගෝත්‍රිකවාදී දර්ශනයන් තුලින් බවට මෙය ඉතා සමිපතම උදාහරණයකි.

5 comments:

  1. චේ මාකට් කර ගනිමින් තම අදහස් සෙමින් අනෙක් අයගේ හිස් වලට ඇතුලු කරන්න උත්සහ ගත්ත පළමු වෙනි කණඩායම ජානිපෙ නෙමෙයි. වරප්‍රසාද අතින් ඇති බේදය මිසක් වෙනත් බේදයක් නොදුටුව චේ වැනි මිනිසුන් දැන් සිටියා නම් ද්‍රෝහීන් වනවා නිසැකයි.

    ReplyDelete
  2. අමරසේකර ලාව අමතක කලත් ජාතික නිදහස් පෙරමුන වගේ එකක් (එහෙම සංවිධානයක් මහ පොලොවේ තියෙනවාද කියලත් හරියට කියන්න බැහැ.මට නම් තේරෙන විදිහට ඒක තියෙන්නෙ මාධ්‍ය අවකාශයේ විතරයි)චේ ගෙවාරාගේ රූපය භාවිතා කිරීම තක්කඩිකමක් වෙන්නෙ චේගේ දේශපාලනය සහ ජානිපෙ දේශපාලනය මූලධාර්මිකවම වෙනස් නිසා.චේ කියන්නේ ධනවාදයට සහ එහි සියලු ප්‍රකාර වලට විරුද්ධව කොන්දේසි විරහිතව අතරමැදි එකගතා රහිතව සටන් කල කෙනෙක්.සටන මිස පංති සහයෝගිතාවය විප්ලවවාදියාගේ ක්‍රමය නෙමෙයි.
    ජානිපෙ කියන්නෙ මොකක්ද?ජානිපෙ කියන්නෙ ධනපති ආන්ඩුවකට දාව ජාතක වුන ධනපති රජයේ මුදල් රාජ්‍ය ආරක්ෂාව ප්‍රචාරය මත පදනම් වෙලා තියෙන ධනවාදයේ බලල් අන්ඩක්.
    මේ වගේ රූකඩ පරපුටු සංවිධානයක් සහ චේගේ විප්ලවවාදී දේශපාලනය අතර කිසිදු සබදතාවයක් නැහැ

    ReplyDelete
  3. රාමචන්ද්‍ර
    'අමරසේකර ලාව අමතක කලත් ජාතික නිදහස් පෙරමුන වගේ එකක් (එහෙම සංවිධානයක් මහ පොලොවේ තියෙනවාද කියලත් හරියට කියන්න බැහැ.මට නම් තේරෙන විදිහට ඒක තියෙන්නෙ මාධ්‍ය අවකාශයේ විතරයි)'

    මම ඔබත් එක්ක එකඟයි.......

    ReplyDelete
  4. ගෝරා විමල් කියන හොරිකඩයයි දිඹුලාගල හිමියොයි ඇදන්න යන්න එපා. දිඹුලාගල හිමි සැබෑ මනුස්සයෙක්. ඔබට එය දැන ගැනීම පිනිස දිඹුලාගල හිමිගේ කඩහඩින්ම මගේ මාගේ පිටුවේ විඩියෝ දර්ශනයක් ඉදිරිපත් කර ඇත.
    විමල් ගුණදාස අමරසේකර යන තක තීරැ හැත්ත දිඹුලාගල හිමියෝ නොවෙයි උන්ගේ අම්මලා උනත් විකුනයි. එහෙව් කාලකණ්නි හැත්තක්.
    ඔබ නොදන්නවා උනාට විමල් බඩු ගහලා පොළොන්නරැව උසාවියේ නඩුවකුත් තිබුනා. මම සයිබර් සරදියෙල් විදිහට ලියන්නේ මගේ ඇස් දෙකෙන් දැකපුවා. නැතුව මුලාශ්‍ර පදනම් කරගෙන නොවෙයි.

    ReplyDelete